Suriya yangi tashkil topgan hukumatining Ichki ishlar vazirligi Damashqdagi ziyoratgohga hujum qilish rejasini toʻxtatganini eʼlon qildi.
Suriya rasmiy axborot agentligining xabariga koʻra, mas’ullar ushbu mamlakatning umumiy razvedka boshqarmasi tegishli idoralar bilan hamkorlikda Damashq atrofida IShIDning bir yashirin joyiga qarshi operatsiya oʻtkazganini taʼkidlagan. Natijada, bu terrorchi guruh bilan bogʻliq boʻlgan toʻrt kishi qoʻlga olingan.
Xabarda aytilishicha, qoʻlga olingan shaxslar Damashqdagi “Hazrati Zaynab” ziyoratgohiga hujum qilishni rejalashtirgan va bu maqsadda portlovchi moddalar hamda boshqa kerakli jihozlarni tayyorlagan edi. “Hazrati Zaynab” ziyoratgohi Damashq atrofida joylashgan boʻlib, u shialar uchun juda muqaddas sanaladi. Shialar bu joy Hazrati Aliy (karamallohu vajhah)ning qizi Hazrati Zaynabning qabri ekaniga ishonishadi.
Oʻtgan oy IShID Suriya mujohidlarining yangi hukumat tuzishdagi muvaffaqiyatidan keyin bu hukumatga qarshi kurashni davom ettirishini bildirgan edi. Yaqinda oldi olingan bu reja, ushbu buzgʻunchi guruh Suriyada yana urush alangasini yoqishga harakat qilayotganini va Shom yurtini doimiy jang maydoniga aylantirish niyatida ekanligini koʻrsatadi.
