ژباړه: فضل باري مشفق
کاشکې زه د الله داسې بنده جوړ شم چې.
د زړه هر ضربان سره يې د الله الله اواز پورته کيږي.
داسې بنده چې هم ورسره علم وي او هم ورسره عمل.
داسې څوک چې په ورځني ژوند کې د الله تعالی د احکاماتو او رسول الله صلی الله عليه وسلم د سنتو پابند وي.
چې د الله تعالی په حضور کې هره شپه اوښکې تويوي.
او د خپل ژوند شيبه شيبه په احساس او مسؤليت تيروي.
داسې بنده چې همېشه ورسره د خپلو اعمالو د سمون په اړه فکر وي.
چې د الله تعالی له دوستانو سره يې دوستي او دښمنانو سره يې دښمني وي.
د علماوو په مجلسونو کې کيني او د هغوی له خبرو ګټه پورته کوي.
داسې بنده چې له ګناهونو څخه يې نفرت وي او ځان ترې ساتي.
او د نيکو لوري ته په منډه منډه قدم ور اخلي.
خو کله چې له بديو سره مخ شي د بدن ويښتان يې نيغ ودريږي او له الله تعالی څخه وډار شي.
او تر هغې ناکرار وي تر څو يې چې توبه نه وي ويستلې.
کاشکې زه د الله تعالی داسې بنده شم چې…
د الله تعالی د ټولو مالي او بدني عبادتونو پابند واوسم.
په هر حالت کې له الله تعالی د ويرې فکر راسره وي.
داسې څوک شم چې زما په لمن د چا د ازار او اذيت داغ نه وي.
چې په پاک لمنۍ مې زمانه شاهدي ورکوي او د دنياوي معاملاتو له پاکوالي څخه مې خلک مطمئن وي.
داسې څو ک چې د قرآنکريم تلاوت، د الله ذکر او عبادت مې مشغولتيا وي.
ربه داسې بنده مې جوړ کړه چې د ژوند هره ستونزه د ستا او ستا د حبيب په احکاماتو او لارښوونو حل کړم.
يا الله ما داسې کړه چې ژوند او انرژي مې ستا په بنده ګۍ د اسلام او مسلمانانو په خدمت کې تيره شي.
يا ربه يو داسې پاک زړه راوبښه چې د منافقت، ريا، حسد، کبر کينې او نفرت خيرې په کې نه وي.
الهي! ښه اخلاق، اخلاص، وفاداري، ديانت، حوصله او له مسلمانانو سره د ښه ژوند او تعامل توفيق راکړه.
ربه داسې فکر، زړه او ځاني قوت راکړه چې د اسلامي امت د پرمختګ او کاميابۍ په لاره کې ترې ګټه پورته کړم.
ياربه! خلکو د خير او نيکيو رسولو موقع او توان راکړه او نور خلک زما له شره او ما د نورو له شره وساته.
يا الله د ظلم لاسونه رامکړې او نه هم د ظالم لاسونه راباندې پورته کړې.
ربه داسې بنده مې کړه چې هميشه راسره د خپل ځان د اصلاح فکر وي.
داسې بنده چې هميشه د نيکو اعمالو د تلې په درنولو کې حريص يم.
ربه استغنا راکړه او د کار کولو مټې راکړه چې چاته لاس ونه غځوم او د نورو ناچارو لاسنيوی وکړم.
ددين او وطن مينه مې د بدن په رګونو کې بهانده کړه او دا سپېڅلی احساس مې هميشنی کړه.
ربه محشر ته مې داسې مه درغواړه چې د ګناهونو درودند پيټی مې په اوږو وي او خجالت يم.
يا الله اخرت ته مې داسې دروغواړه چې ايماندار يم، له ګناهونو پاک يم او د ژوند وروستی سفر مې ستا خوږ ديدار او د جنت
الفردوس ماڼۍ وي.
او هغه مې هميشنی د اوسېدو تمځای وي.
ای الله! کاش زه ستا داسې بنده شم.
2019/06/29 شنبه
