Muftiy Bashir Ahmad Muhajir
Alhamdulillahi Robbil olamin vas-salatu vas-salamu ‘ala rasulihi Muhammadin amiin va ‘ala alihi va sahbihi ajma’iyn, amma ba’d!
Fa a’uzu billahi minash-shaytonir-rojim, Bismillahir-Rahmanir-Rahim:
“Va Allohga va uning Rasuliga itoat qiling, bir-biringiz bilan talashmanglar, aks holda zaiflashasiz va kuchingizdan ayrilasiz. Sabr qilinglar, albatta Alloh sabr qiluvchilar bilan birgadir.”
(Anfol surasi: 46)
Alloh taolo dunyoni yaratgan va unda turli xalqlar va millatlarni paydo qilgan. Ba’zi xalqlar kuch-quvvat, jismoniy salohiyat va aqliy ustunlikka ega bo‘lishgan va bilimda ham keyingi avlodlardan yuqori darajada bo‘lishgan.
Lekin Alloh taoloning qonunida kuch, quvvat yoki aql va bilim roziligiga sabab emas. Balki Alloh taoloning nazarida eng sevimli inson — bu Allohga va Uning Rasuliga itoat qiluvchi insondir. Bunday inson Allohning tizimida muvaffaqiyatga erishgan va eng aziz hisoblanadi.
Tarixga nazar tashlasak, ko‘plab xalqlar dunyoda qudrat, kuch va aql jihatidan ustun bo‘lgan, ammo Allohga va uning payg‘ambarlariga itoat qilishni tark etganlarida, Alloh ularga shunday xorlik va zaiflikni yuborganki, ayrimlari butunlay yo‘q bo‘lib ketgan, masalan yahudiylar. Ba’zilari esa Allohning azoblariga duchor bo‘lishgan, masalan, Od, Samud va Lut qavmlari.
Bu xalqlar Allohning itoatidan yuz o‘girib, shaytonga ergashganlari sababli azobga duch kelishdi. Alloh taolo shaytonga va’da bergan: “Seni va senga ergashganlarni do‘zaxda birga kuydiraman.”
Masalan, Od qavmi juda kuchli va jismonan baquvvat bo‘lib, ularning bo‘ylari shunchalik katta ediki, bugungi odamlar uchun baland daraxtlar xuddi kichik butalarga o‘xshab ko‘rinardi. Alloh taolo bu haqda aytadi:
“Parvardigoringning Od qavmiga nima qilganini ko‘rmadingmi? Iram, ulkan ustunlar bilan mashhur bo‘lgan qavm, ular kabi boshqa yaratilmagan edi.”
(Fajr surasi: 6-8)
Bu oyatda Alloh taolo Od qavmining kuchi va kattaligini eslatadi. Ammo ular Alloh va Uning payg‘ambarlariga itoat qilishni tark etganlarida, Alloh ularga shunday azob yubordiki, shamol ularni havoga ko‘tarib, yerga uloqtirdi.
Samud qavmi esa aql va texnik mahoratda o‘z davrining eng peshqadami edi. Alloh taolo bu haqda aytadi:
“Samud qavmini, ular vodiydagi qoyalarni kesib uylar qilganini ko‘rmadingmi?”
(Fajr surasi: 9)
Bu oyatda Alloh taolo Samud qavmining qoyalarni o‘yib uy va naqshlar yasashdagi mahoratini tasvirlaydi. Hozirgi zamon muhandislari bunday ishlarni amalga oshirishdan ojizdirlar.
Masalan, taxminan ikki yarim ming yil avval Bomianda qurilgan tog‘ haykallari, hozirgi zamonaviy muhandislar bunday ishlarga qodir emas. Lekin Samud qavmi Alloh va Uning payg‘ambarlariga itoat qilishni tark etganlarida, Alloh Jibril alayhissalomni yubordi va Jibrilning birgina hayqirig‘i ularni halok qildi.
Davomi bor…
