وَمِنَ النَّاسِ مَن يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَىٰ مَا فِي قَلْبِهِ وَهُوَ أَلَدُّ الْخِصَامِ
وَإِذَا تَوَلَّىٰ سَعَىٰ فِي الْأَرْضِ لِيُفْسِدَ فِيهَا وَيُهْلِكَ الْحَرْثَ وَالنَّسْلَ وَاللَّهُ لَا يُحِبُّ الْفَسَادَ
(Baqara surasi, 204–205-oyatlar)
Tarjima:
Odamlar orasida shunday kishilar borki ularning dunyo hayotiga oid so‘zlari seni hayratga soladi. Ular qalblaridagi narsalarga Allohni guvoh qiladilar. Holbuki ular eng qattiq tortishuvchi dushmandirlar. Qachonki ular yuz o‘girsalar yer yuzida fasod tarqatishga ekin va naslni halok qilishga harakat qiladilar. Alloh esa fasodni sevmaydi.
Pokiston va Afg‘oniston xalqlari ikki birodar xalq bo‘lib uzoq yillar davomida bir-biri bilan yonma-yon tinch va yaxshi hayot kechirib kelgan. Ammo Pokiston tashkil topganidan buyon bu mamlakat armiyasi va razvedka tashkiloti Afg‘onistonni o‘zlari uchun strategik tahdid sifatida baholab doimo shu qarash asosida Afg‘oniston va uning xalqiga munosabatda bo‘lib kelgan.
Qachonki Pokiston manfaatlari afg‘onlarni o‘ldirishda bo‘lgan bo‘lsa, ularni o‘ldirgan qachonki ularni hibsga olish o‘z foydasiga xizmat qilgan bo‘lsa afg‘onlarni hibsga olgan; qachonki afg‘onlarni kofirlarga topshirishdan manfaat ko‘rgan bo‘lsa ularni qo‘lga olib ularga topshirgan qachonki afg‘onlar bilan hamkorlik qilishni o‘z foydasiga deb bilgan bo‘lsa ular bilan hamkorlik qilgan.
Ba’zi ma’lumotlarga ko‘ra AQShning Afg‘onistonni bosib olishi boshlangan dastlabki yillarda Afg‘oniston Pokiston hududidan 60 ming martadan ortiq havo hujumlariga uchragan. G‘arb davlatlarining razvedka xodimlari ham aynan Pokiston orqali samolyotlarda Afg‘onistonga olib kirilib qo‘poruvchilik faoliyatlarini boshlagan. Yigirma yillik bosqin davrida ham bosqinchi kuchlar va ularga qaram hukumatlar oxirigacha Pokiston orqali logistika va qurol-yarog‘ jihatidan qo‘llab-quvvatlangan.
Islom Amirligi hokimiyati o‘rnatilgandan keyin ham Pokiston qabilaviy muhojirlar masalasini bahona qilib Afg‘oniston hududlarini o‘nlab marta bombardimon qildi. Natijada yuzlab afg‘on tinch aholisi halok bo‘ldi. Shuningdek Afg‘onistonni iqtisodiy qamal holatida saqlashga harakat qildi.
So‘nggi besh yil davomida ham Pokistondagi afg‘on muhojirlarga nisbatan tizimli ravishda g‘ayriinsoniy munosabat qilindi va ular og‘ir ob-havo sharoitlarida majburan Pokistondan chiqarib yuborildi. Bunday munosabat dunyo tarixida juda kam uchraydi.
Shu davr mobaynida Pokiston armiyasi va razvedka tashkiloti bu kabi harakatlari orqali Afg‘oniston hukumatining Pokiston bilan kelishmovchiliklarni muloqot muzokara va tushunish yo‘li bilan hal qilish borasidagi barcha urinishlariga salbiy javob berdi. Ular bu harakatlarning mantiqiy natijaga yetishiga va Afg‘oniston hamda Pokiston xalqlari uchun tinch va xavfsiz hayot sharoitlari yaratilishiga yo‘l qo‘ymadi.
Pokiston Hindiston bilan dushmanlik qiladi ammo bu dushmanlikni mamlakat ichida va tashqarisida turli musulmon guruhlari hamda xalqlarga qarshi harakatlar uchun bahona qilib kelgan. U o‘n minglab o‘z fuqarolarini ham Hindiston bilan aloqadorlikda ayblab o‘ldirgan yoki bedarak yo‘q qilgan. Bugungi kunda Pokiston armiyasi va razvedka tashkiloti xuddi shu tajribani Afg‘onistonga qarshi qo‘llashga urinmoqda.
Islom Amirligi Afg‘onistonda o‘zini Islom shariati hukmlariga asoslangan yagona tuzum deb biladi. Uning do‘stlik va dushmanlik mezonlari ham Islom shariati asosida belgilanadi. Shu sababli hech kim bu tuzum musulmonlarga qarshi kofirlar bilan hamkorlik qiladi deb tasavvur qila olmaydi.
Afg‘oniston va Pokiston xalqlari yaxshi biladiki Pokiston armiyasi va razvedka tashkiloti musulmonlarga qarshi kofirlar bilan hamkorlik qilish borasida uzoq tarixga ega. Hatto hozir ham ayrim sohalarda musulmonlarga qarshi ular bilan hamkorlik qilib bu hamkorlikni o‘z manfaatlari va yashash vositasiga aylantirmoqda.
Hozirgi vaqtda ham Pokiston ilgari aynan shu davlat ishorasi bilan Afg‘oniston xalqining Sovet ittifoqi va kommunistik tuzumga qarshi o‘n to‘rt yillik jihodidagi yutuqlarini yo‘qqa chiqargan guruhlarni qayta tashkil qilish va birlashtirish bilan shug‘ullanmoqda.
Ular qolgan ilg‘or harbiy texnikalarni eski temir-tersak sifatida Pokistonga olib ketgan Afg‘oniston infratuzilmasini vayron qilgan, o‘n minglab afg‘onlarni qabila, hudud va til nomi bilan qirg‘in qilgan hamda mamlakatda tartibsizlik hukm surishiga sabab bo‘lgan. Shuningdek, so‘nggi yigirma yil davomida ham Pokiston armiyasi va razvedka tashkiloti AQSh hamda boshqa G‘arb davlatlari kuchlari bilan birga Afg‘oniston xalqiga qarshi urush olib bordi va yuz minglab afg‘onlarning halok bo‘lishiga sabab bo‘ldi.
Islom nomi bilan tashkil topgan Pokistonning armiyasi va razvedka tashkiloti bu g‘oya va yo‘ldan juda uzoqlashgan. Bugun ular tashqi ko‘rinishda Islom haqida gapirsalar da ularning amaliyoti va xatti-harakatlari bu da’volarga mos kelmaydi. Bu so‘zlar faqat jamoatchilik fikrini aldash va o‘z harakatlarini yashirish uchun aytilmoqda. Ushbu maqola boshida keltirilgan Qur’on oyati ularning xatti-harakatlariga aniq misoldir.
Pokiston armiyasi va razvedka tashkiloti bilishi kerakki ularning eskirgan usullari endi Afg‘oniston xalqiga qarshi samara bermaydi. Afg‘onistonga qarshi dushmanlikni davom ettirish va yolg‘on rivoyatlarni tarqatish o‘rniga o‘z manfaatlari va hayot ta’minoti uchun qonuniy yo‘llarni tanlashlari hamda ichki muammolar va boshqa tomonlar bilan kelishmovchiliklarni hal qilishda muloqot va muzokara yo‘lini tutishlari kerak.
