Pokiston harbiy rejimi Xaybar-Paxtunxva viloyati hukumatini vakolatdan mahrum etishga urinmoqdaAl-Mirsod ga ma’lum manbalar Pokiston harbiy rejimining Xaybar-Paxtunxva hukumati tarkibini o‘zgartirish bo‘yicha rejasi haqida ma’lumot berdi.
Manbalarning aytishicha boshqaruvi to‘liq armiya qo‘lida bo‘lgan Pokiston federal hukumati Xaybar-Paxtunxva viloyati hukumatining vakolatlarini cheklamoqchi va bu maqsadga erishish uchun bosqichma-bosqich rejalarni amalda ishlab chiqishni boshlagan.
Manbalarga ko‘ra Pokiston rejimi dastlab murakkab hujumlarni amalga oshirish orqali Xaybar-Paxtunxvadagi xavfsizlik vaziyatini haddan tashqari keskinlashtirmoqchi. Shundan so‘ng viloyat hukumatining zaifligini bahona qilib, favqulodda holat (Emergency) e’lon qiladi. Yakunda esa viloyat hukumatining amaliy vakolatlarini olib ularni armiyaga topshirishni rejalashtirmoqda. Pokiston harbiy rejimining asosiy maqsadi amaldagi yoki iste’fodagi harbiy generalni Xaybar-Paxtunxva viloyati hukumatiga vaqtinchalik rahbar etib tayinlash.
Al-Mirsod manbalari Pokiston ichidagi nufuzli shaxslarga tayanib dushanba kuni Pokiston federal axborot va nashrlar vaziri hamda Ichki ishlar bo‘yicha davlat vazirining birgalikda o‘tkazgan matbuot anjumani ham aynan shu rejaning bir qismi ekanini ta’kidlamoqda. Ularning maqsadi jamoatchilik fikrini bosqichma-bosqich Xaybar-Paxtunxva hukumatiga qarshi salbiy yo‘nalishga burish bo‘lgan. Mazkur matbuot anjumanida ikki vazirning bayonotlari Pokiston armiyasi Axborot vazirligi va ISI ning media bo‘limi bilan bog‘liq akkauntlar tomonidan ijtimoiy tarmoqlarda keng tarqatilgan.
Manbalar shuningdek Pokiston armiyasi va federal hukumat Xaybar-Paxtunxva viloyati hukumatiga qarshi jamoatchilik fikrini shakllantirish maqsadida ushbu viloyatga aloqador ekani ko‘rinib turgan ayrim nufuzli siyosiy partiya vakillariga ham zarur imkoniyatlar yaratib berganini bildirdi.
Ta’kidlash joizki Xaybar-Paxtunxva viloyatida Pokistonning sobiq bosh vaziri Imron Xonga tegishli Pokiston Tehrik-i Insaf partiyasi hokimiyatda. Ushbu partiya mustaqil siyosati va pozitsiyasi sababli harbiy rejim uchun muammoga aylangan.
