Usama Nuhzat
Islom ummatining tarixida doimo ayrim hizblar, harakatlar va guruhlar ummat ichidan bosh ko‘targan va o‘zlarini haqiqiy himoyachilar, islomga ergashuvchilar va ilohiy dinning bayroqdorlari sifatida tanishtirganlar.
Ularning orasida ba’zilar shunday da’volarida sobit turib, da’vo bilan amal orasida hech qanday tafovut bo‘lmagan. Ammo ayrimlari esa, puch shiorlardan foydalanib, ummat ahli ongini chalg‘itish uchun harakat qilib, da’vo bilan amal orasidagi farq yer bilan osmoncha bo‘lgan.
Zamonaviy davrda ham turli bayroqlar ostida sahnaga chiqqan ko‘plab guruh va harakatlar o‘zlarini “haqiqiy islom vakillari” deb da’vo qilganliklari, va musulmonlarni o‘z taraflariga tortmoqchi bo‘lganliklari bois, biz ushbu maqolalar silsilasi orqali zamonaviy davrning eng yomon obro‘siz guruhlaridan biri bo‘lgan bir to‘daning islomiy shiorlari bilan ularning achchiq amaliyotlari orasidagi tafovutni ochib berishga harakat qilamiz.
Xavorijlar – ISHID ana shunday guruhlardan bo‘lib, o‘zining yoqimsiz vujudga kelishidan to hozirgacha islomiy shiorlar va tashqi go‘zal, ammo aslida zaharli so‘zlar bilan Islom ummatini, ayniqsa, yoshlarni aldab o‘ziga tortishga urinib kelmoqda.
Shu sababli, oldimizdagi maqolalar turkumida biz har bir bo‘limda ushbu xavorij guruhining bir shiorini muhokama qilib, ularning da’vo va amallarini solishtirib chiqamiz. Shunda ayon bo‘ladi-ki, bu guruh qanday qilib diniy shiorlar orqali o‘zini haqparast qilib ko‘rsatgan, ammo amalda Islom ummatiga eng og‘ir zarbalarni bergan.
Bu guruh yoshlarning diniy tuyg‘ularidan foydalanib, ularni oiladan, jamiyatdan va haqiqiy Islom yo‘lidan ajratib, halokat sari yetaklagan va ummat ichida fitna alangasini yoqqan.
Bugungi xavorijlar, xuddi islom davrining boshidagi ajdodlari kabi, diniy ko‘rinishda soddadil kishilarni ovlab, oyat va hadislar ortiga yashirinib, aslida Islomga foyda keltirmaydigan, balki musulmonlarni qirg‘in qilish, islomiy diyorlarni vayron qilish va din dushmanlari yo‘lini ochishga xizmat qiluvchi rejalarni amalga oshirishgan.
Shubhasiz, ushbu guruhning faoliyatiga ozgina diqqat qilinsa, ular aslida jahon tug‘yonchilari bilan emas, balki qibladosh mo‘minlar bilan dushmanlik qilganliklari aniq bo‘ladi. Faqatgina o‘zlarining botil aqidalariga qarshi chiqqan musulmonlar (kofir) deb chiqarilgan va qonlari halol deb e’lon qilingan.
Haqiqatan ham, ular aytgan (Vahdat) (jihod) (xalifat) va (shariat) kabi shiorlar faqat guruh yetakchilarining siyosiy maqsadlari va mansabparastlik orzulariga erishish uchun niqob edi, xolos.
Ularning bu ikkiyuzlamachi amallari esa oxir-oqibatda shunga olib keldiki, ISHID ahli sunna val-jamoa orasida yomon ko‘rildi va barcha islomiy mazhablarning buyuk ulamolari bu guruhga qarshi chiqib, ularning egri yo‘lini ochiq-oydin fosh qildilar.
Umid qilamizki, ushbu maqola silsila singari yozuvlar musulmon yoshlarni hushyorlikka undab, bu kabi fitnalarga qarshi turishga, bu guruhlarning chiroyli tashqi ko‘rinishlari va haqiqatsiz diniy so‘zlariga aldanmaslikka yordam beradi.
(Davomi bor…)
