Ahmad Yasin
Siyonist rejim tomonidan G‘azo bo‘yicha boshlagan vahshiy va shafqatsiz tajovuzi boshlanganidan to hozirgacha, mazlum bolalarning dod-faryodi, azador ayollar va panohsiz qariyalarining nidosi har bir ozod musulmonning yuragini tilka-tilka qilmoqda.
Bu muddat ichida o‘n minglab uylar vayron qilindi, minglab oilalar shahid bo‘ldi va minglab yuraklar sinib tushdi. Bu fojialarning barchasi faqat musulmon bo‘lganliklari va ishg‘ol va zulmga qarshi turganliklari sabab sodir bo‘ldi — butun dunyo ko‘z o‘ngida.
Ammo bu dahshatli insoniy falokat yonida bir haqiqat har qachongidan yorqinroq ko‘rindi: Ha! Islom ummati hanuz tirik! Va bu ummat orasida, mavjud barcha muammolarga qaramay, Afg’oniston nomi yaltirab turgan yulduzday porlamoqda.
Bu yurtdagi mujohidparvar xalq, iqtisodiy muammolar, xorijiy davlatlarning tinimsiz bosimi va imkoniyatlarning yetishmasligiga qaramay, g‘ayrat va e’tiqod maydonidan chekinmadilar.
To‘g‘ri, bugungi kunda afg‘on xalqi G‘azo xalqi bilan bir safda qurol bilan jang qilmayapti va muhasarani yorib o‘tadigan harbiy kuchga ega emas, ammo moliyaviy jihod maydonida boshqa barcha davlatlardan ko‘ra ko‘proq birodarlik va hamdardligini amalda dunyoga namoyon etdi.
Faqat so‘nggi bir oy ichida o‘nlab xayriya tashkilotlari, din ulamolari, yoshlar, savdogarlar va hatto maktab o‘quvchilari harakatga kelib, naqd mablag‘ yig‘ib, dunyoga aniq xabar yuborishdi: Yuragimiz G‘azada urmoqda!
Ha, dastlabki statistikaga ko‘ra, faqatgina Afg‘onistonning o‘n viloyatida Falastin xalqini qo‘llab-quvvatlash uchun 50 million afg‘oniydan ortiq mablag‘ yig‘ildi. Bu yordamlar ishonchli tashkilotlar orqali mazlum G‘azo xalqiga yetkazildi va yig‘im jarayoni hanuz davom etmoqda.
Endi esa islom ummatining birdamligiga doir yana bir mislsiz sahna tarixda yoziladi — bu sahna afg‘on xalqining mazlum Falastin xalqi, ayniqsa G‘aza ahli bilan chin dildan birligining yorqin ifodasi bo‘ladi.
Shu maqsadda Afg‘onistonning aksar viloyatlarida o‘n minglab inson ishtirokida Falastin xalqini qo‘llab-quvvatlash namoyishlari o‘tkaziladi. Bu namoyishlar nafaqat Afg‘oniston xalqining adolat talabi faryodidir, balki butun dunyoga xitobdir: Biz zulmga jim qarab turolmaydigan millatmiz. Agar qo‘limiz bog‘liq bo‘lsa ham, ovozimiz baland!
Darhaqiqat, xalqimiz ishg‘olning achchiq ta’mini totgan, G‘arb ishg‘olchilari etiklari ostida eng og‘ir tunu kunlarni boshidan o‘tkazgan bir xalqdir. Ammo Allohning fazli ila, iymon, sabr va fidokorlik bilan ishg‘olchilarni tor-mor etib, izzat va mustaqilligini qayta qo‘lga kiritdi.
Bugun ham bizning e’tiqodimiz shuki: G‘aza xalqi — qarshilikning birinchi saflarida turgan bu qo‘rg‘on posbonlari — Islom dushmanlarining istagiga zid ravishda oxir-oqibat g‘alaba qozonadilar. Chunki Allohning qonuni shunday: «Va Kanoqi haq bo‘ldi biz uchun mo‘minlarga yordam berish.» (Qur’on)
Siyonist rejim ham bilib qo‘ysin: uyg‘oq vijdonlar hech qachon ishg‘olni unutmaydi. Afg‘on xalqi esa o‘zining jihod va qarshilik tarixi bilan, Falastinlik birodar va opa-singillari bilan yelkama-yelka turibdi — moliyaviy yordamda ham, duo maydonida ham, imkon tug‘ilsa, jihod maydonida ham.
Xulosa qilib aytganda, shubhasizki, g‘olib bo‘luvchi — mazlum, biroq sabrli va mardonavor Falastin xalqi bo‘ladi. Bir kun keladi — Allohu Akbar nidosi, xavfsizlik va erkinlik bilan Masjidul Aqsodan yangraydi, in shaa Alloh!
