Afg‘oniston so‘nggi bir necha oy davomida katta sabr-toqat ko‘rsatdi va Pokiston bilan keskinlikni kamaytirishga hamda mavjud muammolarni muzokaralar orqali hal etishga harakat qildi.
Ammo shunday ko‘rinmoqdaki, Pokiston armiyasi hanuz o‘zining noto‘g‘ri siyosatini davom ettirmoqda. U na o‘z xalqi bilan bog‘liq muammolarni hal qilishni istaydi va na Afg‘oniston bilan mavjud muammolarni bartaraf etishga tayyor.
Pokiston armiyasi ketma-ket ravishda begunoh insonlar, ayollar va bolalarni o‘ldirishni davom ettirmoqda.
Endilikda Afg‘onistonning harakati faqat qasos olish bilan cheklanmaydi, balki Afg‘oniston xavfsizligi va barqarorligiga tahdid soladigan har qanday xavfga qarshi chora ko‘radi. Bu tahdid Pokiston armiyasi tomonidan bo‘ladimi yoki uning yollanma vakil guruhlari tomonidan bo‘ladimi farqi yo‘q.
Alhamdulillah, Islomiy Amirlik Pokiston hukumatining barcha nishonlarini, ayniqsa muhim harbiy obyektlari hamda Pokistonning vakil guruhlari markazlarini aniq nishonga olish salohiyatiga ega.
Pokiston armiyasining mag‘rur va mutakabbir generallari tomonidan yo‘l qo‘yiladigan hatto eng kichik xato ham Pokistondagi ko‘plab muhim harbiy va fuqarolik inshootlarining vayron bo‘lishi kabi og‘ir oqibatlarga olib kelishi mumkin.
Afg‘oniston o‘z hududining buzilishiga va xavfsizligi hamda barqarorligiga qaratilgan tahdidlarga aslo toqat qilmaydi.
Afg‘oniston Myunxen xavfsizlik konferensiyasidan keyin Pokiston razvedkasi qayerga borganini, qaysi qochqinlarning uylarini taqillatganini hamda hozirda Balujistonning turli hududlarida sobiq qochqin arbakiylarni qayta birlashtirish va tashkil etishdan qanday maqsad ko‘zlanayotganini yaxshi biladi.
Afg‘oniston Xayber Paxtunxvaning Kurma, Orakzay, Xayber, Mohmand va Bajur hududlarida ISHIDni qayta tashkil etish ishlari qanday maqsadda olib borilayotganini, shuningdek, Chitralda nimalar yuz berayotganini ham yaxshi biladi.
Afg‘oniston ushbu barcha harakatlarni yaqindan kuzatmoqda va ular haqida to‘liq razvedka ma’lumotlariga ega.
Pokiston qanday bahona bilan Afg‘onistonni bombardimon qilib, tinch aholini qirg‘in qilayotgan bo‘lsa, Afg‘oniston oxir-oqibat bu bahonani Pokiston armiyasining qo‘lidan tortib oladi va butun dunyoga Pokiston Afg‘onistonning xavfsizligi, barqarorligi, iqtisodiy taraqqiyoti va bugungi o‘ziga to‘qligining asosiy dushmani ekanini isbotlaydi.
Yana bir bor ta’kidlaymizki, agar Pokiston armiyasi yana hujum qilish xatosiga yo‘l qo‘ysa, buning uchun juda og‘ir narx to‘laydi va qattiq pushaymon bo‘ladi, In shaa Alloh.
Shuningdek, agar Pokiston armiyasi Afg‘oniston xavfsizligi va barqarorligini izdan chiqarish uchun vakil kuchlardan foydalansa, Afg‘oniston bu borada Pokistonga nisbatan ko‘proq imkoniyatlarga ega. Agar ulardan foydalanishga majbur bo‘lsa, unda nimalar yuz berishini Pokistonning o‘zi hammadan yaxshi biladi.
