Adil Shohid
Yaqinda Pokiston harbiy rejimi matbuot kotibi Jamia-tur-Rashidning ustoz va talabalari bilan o‘tkazilgan uchrashuv haqida bergan bayonotida, go‘yoki talaba-yoshlar yana armiyani qo‘llab-quvvatlagandek ko‘rsatdi. Tashqi tomondan oddiy tuyulsa-da, asl haqiqat shuki: Pokiston rejimi har doim o‘z jinoyatlarini diniy tus berib oqlash uchun olimlik da’vosidagi shaxslar va tanilgan arboblarning nomidan foydalanishga urinib kelgan va askarlarini diniy shiorlar bilan aldab-kulfatga yo‘llagan.
Ammo qanday qilib o‘zini islomiy qadriyatlarning himoyachisi deb bilgan kimsa shunday rejimni qo‘llab-quvvatlashi mumkin? Qanday qilib begunoh insonlarning qoni bilan qoraygan, islomga xiyonat va muqaddasotga hurmatsizlik bilan tanilgan bir rejimni diniy deb atash mumkin?
Ha! Pokiston rejimi o‘z qora tarixida shunday ishlar qilganki, ular nafaqat islomning asl ruhiga zid, balki insoniy fitratga ham qarshi bo‘lib, tillarda qiyomatgacha qoladigan qora dog‘ bo‘lib turadi.
Quyida ularning ba’zilarini qisqacha eslatib o‘tamiz:
1; Lal Masjid va Jamia Hafsa fojiasi (2007-yil)
Pokiston tarixidagi eng sharmandali voqealardan biri – Islomoboddagi Lal Masjid va Jamia Hafsaga harbiylar tomonidan uyushtirilgan qonli hujumdir. Musharraf boshchiligidagi rejim 3–11 iyul kunlari bu diniy markazni qurshab oldi va nihoyat maxsus kuchlar masjidga bosqin uyushtirib, 100 dan ortiq insonni, jumladan Abdul Rashid G‘oziy hazratlarini shahid qildi, yuzlab odamlarni yarador qildi.
2: Ofiya Siddiqiyga qilingan xiyonat
Muslima olima Ofiya Siddiqiy 2008-yilda amerikalik kuchlar tomonidan asir olinganda, Pokiston rejimi nafaqat uni himoya qilmadi, balki uning topshirilishi va yashirilishida ham sherik bo‘ldi. Yillar davomida bu mazlum ayol qiynoqqa solinib kelgan bo‘lsa-da, Pokiston rejimi sukut saqladi va uni ozod qilish uchun biror amaliy qadam tashlamadi.
3: Tehreek-e-Labbaikning bostirilishi
Payg‘ambar alayhissalomning hurmatini himoya qilish maqsadida tuzilgan bu diniy harakat ko‘p marotaba tinch norozilik namoyishlari o‘tkazganiga qaramay, harbiy rejim tomonidan shafqatsizlarcha bostirildi.
Yaqinda Falastinni qo‘llab-quvvatlagan marshlar o‘tkazilgani sababli, Pokiston rejimi yashirin ravishda Isroil bilan aloqada ekanini namoyon qilib, harakatni “terrorizmga qarshi qonun” bilan taqiqladi va uning yetakchilarini to‘rtinchi jadval ro‘yxatiga kiritdi.
4: 1971-yil Bangladeshlik musulmonlarning ommaviy qirg‘ini
Bangladesh mustaqillik urushi paytida sodir bo‘lgan bu qirg‘in dunyoga Bengallarning genotsidi nomi bilan tanildi. 1971-yil 26-martda Pokiston g‘arbiy armiyasi (hozirgi Pokiston armiyasi) sharqiy Pokistondagi mustaqillik harakatini bostirishga kirishib, 300 mingdan 3 milliongacha bengalini ularning aksariyati musulmon edi – o‘ldirdi.
200 mingdan ortiq ayol zo‘rlanib, 10 million odam Hindistonga qochishga majbur bo‘ldi.
Bu jinoyatlar bugun G‘azada sodir bo‘layotgan voqealarga o‘xshaydi, balki ayrim jihatdan undan ham battar farqi shundaki, Pokiston rejimi o‘zini musulmon deb ataydi va o‘z razolatlarini diniy qiyofa ortiga berkitadi.
5: Trampning “ikki davlat yechimi” rejasini qo‘llash orqali Falastinga xiyonat
Yaqinda Shaboz Sharif boshchiligidagi rejim Trampning ikki davlat yechimi rejasini ma’qullab, uni ijobiy qadam deb atadi. Bu esa ko‘pchilikning nazarida Falastin xalqiga xiyonat va Isroil-Amerika manfaatlariga yon bosish sifatida baholandi.
Asl savol shunday:
Qanday qilib diniy libos kiygan, o‘zini shariat va adolat himoyachisi deb tanishtirgan ayrim kishilar shunday zulmlar oldida sukut saqlashi yoki hatto ochiqchasiga qo‘llab-quvvatlashi mumkin?
Qanday qilib ular begunohlarning qonini to‘kkan va islom nomini siyosiy hiyla-nayranglar bilan bulg‘agan bir rejimning jinoyatlarini halol deb ko‘rsatishga jur’at qiladilar?
Aslida, dunyoga mashhur bo‘lgan ayrim shaxslarning bunday rejimni qo‘llashi na e’tiqod belgisidir, na dinni himoya qilish. Bu faqat harbiy rejimning jinoyatlarini oqlash vositasi dir.
Islom esa hech qachon zulm va zo‘ravonlikni qo‘llamaydi. Kim din nomidan bu jinoyatlarni qo‘llab-quvvatlasa aslida u adolat va insoniyatga qarshi amal qilgan bo‘ladi.
