Xuroson bo‘limidagi “ISHID” xavorij guruhi Afg‘onistonda qattiq bostirilgach va uning harbiy tarmoqlari, shu jumladan rahbariyati deyarli butunlay parchalanganidan so‘ng, xavorijlar endi qolgan a’zolarini saqlab qolish uchun butun e’tiborlarini pul yig‘ishga qaratishga majbur bo‘ldilar.
Bu haqiqatning yaqqol isboti sifatida, Xuroson bo‘limiga tegishli “Al-Azaim” jurnalining o‘tgan bir yil ichida chiqqan turli sonlarini keltirish mumkin. Har bir sonda ular odamlarni doimo pul yuborishga undab kelishgan va muntazam ravishda o‘z bank hisob raqamlarini unda kiritib borishgan.
Yaqinda ham “Al-Azaim” jurnalining fatvo bo‘limi o‘z boshicha bir fatvo chiqardi, unda kufrga mansub bank hisoblarini xakerlik yo‘li bilan buzib kirish va ulardan pul o‘g‘irlash joiz ekanligi yozilgan edi. Xuroson bo‘limi va umuman “ISHID” guruhining bunday ruxsatnoma chiqarishdan maqsadi tarafdorlarini shunday harakatlarga undash orqali o‘z moliyaviy manbalarini ta’minlashdir.
Suriya va Afg‘onistonda ayniqsa kuchli bo‘lgan moliyaviy bosim xavorijlarni odam o‘g‘irlash va savdogarlarni qo‘rqitishga ham majbur qilmoqda. Savdogarlarni yoki ularning qarindoshlarini o‘g‘irlab, pul evaziga ozod qilish xavorijlarning iqtisodiy boshqarmasi faoliyatining bir qismi hisoblanadi. Ularning boshqa daromad manbalari to‘silib yoki qiyinlashgan bir paytda, odam o‘g‘irlash nisbatan oddiy va foydali yo‘l sifatida ishlatilmoqda, chunki kamroq harakat bilan katta daromad olish mumkin.
Xavorijlarning o‘zlarini shayx deb ataydigan mas’ullari ancha ilgari bu kabi harakatlarga masalan, odam o‘g‘irlashga xuddi bank hisoblaridan o‘g‘irlik qilishga bergan ruxsat kabi ruxsat berishgan edi. Masalan, 1443-hijriy yilda Shom bo‘limining valiysi barcha mas’ullariga iqtisodiy faoliyatni qayta jonlantirish uni shaxsan boshqarish va buni maksimal darajada yashirin ravishda davom ettirishni buyurgan. O‘sha maktubda, shuningdek, odam o‘g‘irlash va boshqa moliyaviy manbalarni faollashtirish uchun kerak bo‘ladigan vositalar, uy, pul va boshqa ehtiyojlar ro‘yxatini rahbariyatga taqdim etish so‘ralgan edi.
Xavorijlar o‘zlarining ozgina qolgan “obro‘larini” saqlab qolish uchun o‘z iqtisodiy boshqarmalarining shariatga zid bo‘lgan faoliyatlarini masalan, odam o‘g‘irlash, savdogarlarni qo‘rqitish va ulardan pul undirish uchun hujum qilishni yashirishga harakat qilishadi va hech qachon bu harakatlar uchun javobgarlikni o‘z zimmalariga olmaydilar.
Shuni ham ta’kidlash joizki, “Al-Mersad” Xuroson viloyatidagi o‘z manbalaridan xorijiylarning iqtisodiy boshqarmasi tomonidan amalga oshirilgan odam o‘g‘irlashlar to‘g‘risida aniq hujjatlar va ma’lumotlarni qo‘lga kiritgan, ular munosib vaqtda e’lon qilinadi.
