Tarin
Davlatlar o‘rtasidagi munosabatlarda sabr-toqat bag‘rikenglik va matonat diplomatiya hamda inqirozlarni boshqarishning muhim tamoyillaridan hisoblanadi. Afg‘oniston ham zo‘ravonliklar kuchayishining oldini olish, mintaqaviy barqarorlikni saqlash va muzokaralar uchun qulay imkoniyat yaratish maqsadida ayrim hollarda Pokiston rejimining harakatlariga darhol javob qaytarishdan tiyilib keldi. Ammo tajriba shuni ko‘rsatdiki, agar sabr-toqat va ezgu niyat uzluksiz davom etsa va qarshi tomon uni to‘g‘ri anglamasa, uni zaiflik belgisi deb qabul qilishi hamda undan suiiste’mol qilishi mumkin.
So‘nggi yillarda Afg‘oniston va Pokiston o‘rtasidagi munosabatlar tobora keskinlashib bormoqda. Pokiston rejimi Afg‘onistonning amaldagi tuzumi va xavfsizligini izdan chiqarish maqsadida turli bahona va ayblovlar ostida har xil fitna hamda muvaffaqiyatsiz rejalarni ishga solib kelmoqda. Bu rejim bir necha bor IShID kabi vositachi qurolli guruhlarni qo‘llab-quvvatlash va Afg‘onistonning amaldagi tuzumini zaiflashtirishga urinib, xalqaro hamjamiyatda go‘yoki Afg‘oniston turli qurolli guruhlarning markazi ekanligi haqidagi tasavvurni shakllantirishga harakat qildi.
Pokiston rejimi o‘zining g‘arazli maqsadlariga erishish yo‘lida ko‘plab jinoyatlar va xatolarga qo‘l urdi hamda Afg‘onistonning sabr-toqati, bag‘rikengligi va matonatidan bir necha bor suiiste’mol qildi. Holbuki, har qanday davlat yoki siyosiy tuzum muammolarni hal etishda avvalo siyosiy va diplomatik yo‘llarni sinab ko‘rishga intiladi. Tashqi siyosatda sabr-toqat va bag‘rikenglik zaiflik emas, balki ko‘p hollarda donishmandlik, uzoqni ko‘ra bilish va milliy manfaatlarni hissiy munosabatlardan ustun qo‘yish belgisi hisoblanadi.
Afg‘oniston mavjud muammolarni ko‘p bor muloqot, o‘zaro anglashuv va hamkorlik orqali hal etishga harakat qildi. Ammo agar dushman bu bag‘rikenglik va matonatni zaiflik belgisi deb hisoblasa, bundan buyon o‘zining har qanday harakati va xatosining oqibatlarini ham hisobga olishi hamda munosib javob kutishi lozim. Agar barmog‘i bilan zarba bersa, javobini musht bilan oladi. Endilikda zolimlar va ularning vositachi guruhlariga faoliyat yuritish hamda zulm qilish imkoniyati berilmaydi.
Afg‘oniston Islom Amirligining yondashuvi o‘zgardi. Bundan buyon har qanday ehtimoliy tahdid amalga oshishidan oldin aniqlanadi, bartaraf etiladi va yo‘q qilinadi. Ularning maqsad va rejalari to‘liq fosh bo‘lgan. Hech qanday mudofaa tizimi Afg‘oniston dronlarining harakatiga to‘sqinlik qila olmaydi. Ushbu rejim va unga qaram sun’iy guruhlar qayerda yashirinmasin, Afg‘oniston va mintaqa xavfsizligini ta’minlash maqsadida yo‘q qilinadi.
